10. Jesus bere jantziez gabetzen dute

Mikeas profeta K.a. VIII. mendearen bigarren erdian bizi izan zen. Bertako nekazari txikien sufrimenduak ezagutu zituen, “boterea beren eskuetan duten, lurra gutiziatzen duten eta bere egiten duten” horien bidegabekerien menpe baitzeuden (2. kapituluko 1. eta 2. bertsetak) : 

“Zoritxarrekoak egintza gaiztoak asmatzen gaua eman, eta, ahalmena dutenez gero, eguna argitzeaz batera, burutzen dituztenak! Lurrak gutiziatzen dituztela? Lapurtu egiten dituzte. Etxeak irrikatzen dituztela? Hartu egiten dituzte. Indarrez hartzen dute nagusia, bere familia eta etxaldearekin.” (Miq 2:1 2)

Era berean, Frantzisko aita santuak Laudato si’ entziklikako 146. kapituluan, jatorrizko komunitateak ekartzen ditu gogora, sarritan espoliazioaren biktima direnak eta beren lurrak uztera behartuak, edo uztak nazioarteko monopolioen interesei ematera behartuak, eta horrek haien utzaraztea eta nortasunaren galera eragiten du. Horrela gogorarazten digu: “Alde horretatik, ezinbestekoa da arreta berezia ematea komunitate aborigenei, beren kultura-tradizioekin. Ez dira gutxiengo soil bat besteren artean, baizik eta solaskide nagusi bihurtu behar dute, batez ere beren espazioei eragiten dieten proiektu handietan aurrera egiteko orduan. Haientzat, lurra ez da ondasun ekonomikoa, baizik eta Jainkoaren eta horretan oinarritzen diren arbasoen dohaina, espazio sakratu bat, zeinarekin elkarreraginean aritu behar baitute beren identitateari eta balioei eusteko. Beren lurraldeetan geratzen direnean, haiek dira, hain zuzen, hobekien zaintzen dituztenak. Hala ere, munduko hainbat lekutan, presioak jasaten dituzte beren lurrak utz ditzaten, naturaren eta kulturaren degradazioan arretarik jartzen ez duten erauzketa- eta nekazaritza- eta abeltzaintza-proiektuetarako libre uzteko”.